يمكن أصعب شيء الإنسان المفروض انه يأخذه في الحياة هو "القرار"
و خاصة القرارات المصيرية ؛
" أسلك هذا الطريق أم لا "
"كيف أختار بين طريقين في الحياة"
"هو أنا تخلقت عشان أعمل إيه "
"إيه هي رسالتي في الحياة"
"أختار الحياة اللي أحبها و أشوف فيها نفسي أم أتبع الواقع الموجود و أسلك طريق سلكوه من قبلي و أريح عقلي"
"كيف أقدر أقرر بين أني أكمل في علاقتي مع ناس تعودت على وجودهم كثير لكن من اليوم اللي عرفتهم و انا نازل
تحت و حياتي مكلكعة"
"شخص بحبو جدا لكن مقدرش أكمل معاه لأننا مختلفين جدا أنهي العلاقة إزاي بعد ما تعودت"
"ما قدرش أوافق على حد كل الناس بتقول أنه كويس لكن روحي مش حاسة بالسكن"
"أكمل دراستي في هذا المجال و أنا محبوش و مش لاقي نفسي فيه و إلا أغير و أترك سنيني التي عشتها فيه تروح هباء"
"أبدتي أحظر دورات و كورسات في مجال روحي حباه و إختارته رغم إن مشوارو طويل و مايكسبش كتير فلوس أم أروح أشتغل في الشغل اللي كل الناس شاغلاه و عايشة عليه و خلاص"
....
كتييير لحظات تمر على كتير مننا و تحسسنا أن الحياة لازم تقف في هذه اللحظة و تستنانا كتييير حتى نلاقي جواب و نقدر بعدها نقرر
و تمر الأيام و أحنا مش عارفين نقرر لأننا خايفين من العواقب
الخوف من الفشل، من نظرة الناس لينا، الواقع، المجتمع، الظروف، الوقت، و كتير مبررات بنخترعها حتى نزود من لحظات الوقفة
فنعيش حياتنا و أحنا مش عارفين نقرر أهم قرارات يمكن نمر بيها في حياتنا
القرار صعب جدا خاصة لما يكون قرار ميعجبش الناس اللي حوالينا
القرار اللي حيقولو علينا فيه أنت تجننت !! لكنه بالرغم كل هذا يفظل قرار نابع من أعماقنا، نابع من جوا روحنا، قرار الروح هي بتتخذه مش برمجة عشنا فيها كتير
مافيش حد يقدر يفهمك فيه و لا قادر حتى توصل اللي جواك لأحد
قرار تلاقي فيه روحك عايزة تمشي في سكة ثانية خااالص و لوحدك فيها
طريق طويل .. أرض جديدة
أنت لو وصلت لهذه المرحلة أهنيك
أنت بدأت تعرف معنى كلمة "أنا حر بيك يا رب"
خذ القرار اللي يريحك أنت و يكون نابع من اعماقك أنت و مش إختيار لحد ثاني
متخليش حياتك ملك أي حد يختارلك فيها أهدافك و طموحاتك و يصورها بريشته هو و يلونها بألوانه
فيمكن تكون ريشته فاسدة فتفسدلك الصورة و يمكن يكون معندوش من الألوان غير الأبيض و الأسود فيخليك عايش بين لونين جامدين
الحياة ألوان و الأقلام أنواع كثييرة
إختار اللون اللي يعجبك و القلم اللي ترتاح بيه و أرسم حياتك بألوانك أنت و بالكيفية اللي تعجبك و بالظروف اللي تحلالك
لحد ما يرزقك الله بفنان مثلك حر يقدر يخليك تظيف رتوشات رائعة عليها و تعملوا لوحتين الوحدة مش زي الثانية لكن مكملين بعض و متناغمين جداً و مش شبه أي لوحات ثانية في الكون
احنا حنعيش حياة واحدة هنا و بس و حنتحاسب عليها في الأخير
فإياك تخلي حياتك تجربة في ادين ناس كثير ناسية انها تركز في الرسمة بتعتها و كل واحد فيهم يقررلك القرار اللي
يعجبه هو و ميعجبكش أنت
فتندم لأنك شوهت حياتك بتجارب ناس ثانية و سلكت مسارات توهتك و تخليك تشوف حاجات متعجبكش بالمرة
لترضي أي حد ثاني و مترضيكش أنت
فالحياة ألوان
Aucun commentaire:
Enregistrer un commentaire